Como e onde informar de problemas con Ubuntu. Equipo de documentación de Ubuntu ubuntu-doc@lists.ubuntu.com Informar dun problema en Ubuntu

Se atopa algún problema en Ubuntu, pode enviarnos un informe de fallo.

Escriba AltF2 e escriba ubuntu-bug <nome do paquete>

Se ten algún problema co hardware ou non sabe o nome do programa afectado, escriba ubuntu-bug

Se ubuntu-bug non funciona por algunha razón, envíe un informe de erro manualmente e vaia ao paso 4 desta instrución.

Despois de executar algunha das ordes anteriores, Ubuntu recopilará información sobre o fallo. Este proceso pode levar uns minutos. Se o desexa, revise a información recollida. Prema Enviar para continuar.

Abrirase unha nova lapela do navegador web para continuar procesando os datos do fallo. Ubuntu usa o sitio web Launchpad para xestionar os informes de fallo. Se non ten unha conta en Launchpad, precisará rexistrarse para enviar un informe e recibir novidades sobre o estado do fallo. Pode facer isto premendo en Crear unha nova conta.

Despois de acceder a Launchpad, introduza unha breve descrición do problema no campo «Summary».

Despois de premer Seguinte Launchpad buscará fallos similares no caso de que o fallo que envía xa fose comunicado. Se xa era un fallo coñecido, pode marcalo como tamén afectado. Pode subscribirse ao informe de fallo para recibir novidades sobre o progreso na súa solución. Se non era un fallo coñecido prema Non, preciso informar dun fallo novo.

Encha o campo da descrición coa máxima información posíbel. É importante que especifique tres cousas:

Que agardaba que ocorrese

Que ocorreu realmente

Se é posíbel, informe do número mínimo de pasos necesarios para reproducilo, o paso 1 sería «Iniciar o programa»

O seu informe obterá un número de ID, e o seu estado actualizarase a medida que avance a resolución. Grazas por axudar a mellorar Ubuntu.

Se recibe o erro «Este non é un paquete xenuino de Ubuntu», significa que o software sobre o que está informando non está nos repositorios oficiais de Ubuntu. Neste caso, non debe usar a ferramenta integrada de Ubuntu para comunicar fallos.

Para máis información sobre a comunicación de fallos en Ubuntu, lea a ampla documentación en liña.